शिवाजीनगर मुख्यालयातील घटना
पुणे – Pune Police Bharti Death : पोलीस भरती दरम्यान मैदानी चाचणीत धावताना एका २३ वर्षीय तरुणाचा मृत्यू झाल्याची दुर्देवी घटना शिवाजीनगर पोलीस मुख्यालायतील मैदानावर शनिवारी सकाळी घडली. सोळाशे मीटर धावण्याची चाचणी देत असताना अचानक त्याला ‘फिट’ आली. मैदानात बेशुद्ध होऊन कोसळल्यानंतर त्याला तातडीने रुग्णलयात दाखल करण्यात आले. उपचारांपूर्वीच त्याचा मृ्त्यू झाल्याचे वैद्यकीय तज्ज्ञांनी सांगितले. पुरुषोत्तम बारकुल (वय २३, रा. देऊळगाव राजा, जि. बुलढाणा) असे मृत्युमुखी पडलेल्या तरुणाचे नाव आहे. पुणे शहर दलातील भरती प्रक्रिया गेल्या महिन्याभरापासून सुरू आहे.
Accident Pune : कात्रज-कोंढवा रस्त्यावर डंपरची धडक; दुचाकीस्वार तरुणाचा मृत्यू
Pune Police Bharti Death : शिवाजीनगर येथील पोलीस मुख्यालयातील मैदानावर मैदानी चाचणी घेण्यात येत आहे. शनिवारी सकाळी मैदानी चाचणी सुरू झाली. पुरुषोत्तम बारकुल हा मैदानी चाचणीत सहभागी झाला. भरती प्रक्रियेतील १६०० मीटर धावण्याची चाचणी ही कठीण मानली जाते. पुरुषोत्तम याने मैदानाला दोन फेऱ्या मारल्या, तिसऱ्या फेरीत अचानक त्याला अपस्माराचा झटका (फिट) आली. तो धावताना मैदानावरच कोसळला. त्यच्याबरोबर असलेल्या उमेदावारांच्या लक्षात हा प्रकार आला. भरती प्रक्रियेतीली अधिकारी आणि कर्मचाऱ्यांच्या लक्षात हा प्रकार आला. मैदानावर उपस्थित असलेल्या वैद्यकीय पथकाने त्याची प्राथमिक तपासणी केली. त्याच्या हृदयाचे ठोके मंद झाल्याचे निदर्शनास आले. त्याला तातडीने ससून रुग्णलयात दाखल करण्यात आले.
उपचारांपूर्वीच तो मरण पावल्याचे ससूनमधील वैद्यकीय तज्ज्ञांनी सांगितले
पुरुषोतत्म बारकुल हा पोलीस होण्याचे स्वप्न बाळगून पुणे पोलिसांच्या भरती प्रक्रियेत सहभागी झाला होता. भरती प्रक्रियेसाठी त्याने तयारी केली होती. मूळचा बुलढाणा जिल्ह्यातील देऊळगाव राजाचा रहिवासी असलेल्या पुरुषोत्तम याचा भरती प्रक्रियेत धावताना मृत्यू झाल्यानंतर हळहळ व्यक्त करण्यात आली. याबाबतची माहिती त्याच्या कुटुंबीयांना पोलीस अधिकाऱ्यांनी दिली. त्याचे कुटुंबीय शोकाकूल झाले. त्याचे कुटुंबीय पुण्याकडे रवाना झाले. Pune Police Bharti Death